नेपालमा निको दोब्बर : संक्रमित ७३४ थप, संक्रमणमुक्त १४१३ जना

काठमाडौं / नेपालमा पछिल्लो २४ घण्टामा थप ७३४ जनामा कोरोना भाइरस संक्रमण पुष्टि भएको छ । आइतबारको प्रेस ब्रिफिङ मार्फत थप थप ७३४ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
देशभर गरिएको परीक्षणमा पीसीआर विधिबाट ७ हजार ३०४ र एन्टिजेन विधिबाट २ हजार ७०९ जना गरी कुल ७३४ जनामा कोरोना भाइरस संक्रमण देखिएको हो ।
यससँगै नेपालमा कुल संक्रमितको संख्या पीसीआरबाट ७ लाख ८४ हजार ५६६ र एन्टिजेनबाट ८८ हजार ९६८ जना पुगेको छ ।
यस्तै, आजै थप १४१३ जना कोरोना संक्रमण मुक्त भएका छन् । यससँगै कुल कोरोना संक्रमण मुक्त हुनेको संख्या ७ लाख ४९ हजार २१३ जना पुगेको छ ।
त्यस्तै संक्रमणबाट थप १२ जनाको मृत्यु भएको छ । नेपालमा कोरोनाबाट ज्यान गुमाउनको कुल संख्या ११ हजार ४० पुगेको छ ।