कांग्रेस १४औं महाधिवेशन : राप्तीमा देबेन्द्र लामाको प्यानलै, खैरहनीमा गुणराज र कालिका दिपेश्वर विजयी

चितवन / नेपाली काङ्ग्रेस राप्ती नगर सभापतिमा देबेन्द्र लामा विजयी भएका छन् । शनिवार भएको निर्वाचनमा आफ्नो प्रतिद्वन्द्वी नारायण उप्रेतीलाई ४० मतको मतान्तरले पराजित गर्दै लामा विजयी भएका हुन् ।
लामाले १२७ मत प्राप्त गर्दा उप्रेतीले ८७ मत मात्रै प्राप्त गरेका थिए भने निर्वाचनमा लामाको पुरै प्यानल नै विजयी भएका छन् ।
यसैगरी नेपाली कांग्रेसको खैरहनी नगरसभापतिमा गुणराज श्रेष्ठ विजयी भएका छन् । आइतबार बिहान आएको मतपरिणाम अनुसार आफ्नो प्रतिस्पर्धी शशि खनियालाई पराजित गर्दै श्रेष्ठ विजयी भएका हुन् ।
अहिलेका सभापति समेत रहेका खनियालाई तीन मतले पराजित गर्दै श्रेष्ठ विजयी भएका हुन्। श्रेष्ठले १ सय ४५ मत ल्याएर विजयी हुदैं गर्दा खनियाले १४२ मत ल्याएका थिए ।
त्यस्तै नेपाली काङ्ग्रेस कालिकाको सभापतिमा दिपेश्वर के.सी. बिजयी भएका छन् । उनले ११२ मत प्राप्त गरि बिजयी भएका हुन्। उनका निकटतम प्रतिद्वन्दी लिलाबहादुर गुरुङले १०२ मत प्राप्त गरेका थिए।
शनिवार भएको निर्वाचन अन्तर्गत उप सभापतिमा जियन महतोले १२० मत र चेतबहादुर गुरुङले ९८ मत सहित बिजयी भएका छन् । उनका प्रतिद्वन्दीहरु जितेन्द्र वाग्लेले ६३ मत, राजकुमार सिहले १६ मत र शंकर लामाले ८५ मत प्राप्त गरेका थिए ।