भरतपुर ९ का ६० गर्भवती महिलालाई पौष्टिक आहार

चितवन / भरतपुर महानगरपालिका वडा न ९ का गर्भवती महिलालाई पौष्टिक आहार वितरण गरिएको छ मंगलबार एक कार्यक्रमका बीच भरतपुर महानगरपालिका वडा न ९ कार्यालय र महिला स्वास्थ्य स्वयंसेविकाको सहकार्यमा कार्यालय परिसरमा पौष्टिक आहार वितरण गरिएको हो । कार्यक्रममा ६० जना गर्भवती महिलालाई पौष्टिक आहार प्रदान गरिएको प्रमुख अतिथि वडा न ९ का वडा अध्यक्ष यमलाल कडेलले जानकारी दिए ।
उनका अनुसार पोषण आहारमा एक क्यारेट अण्डा, चना, केराउ, बोडी, आयोडिनयुक्त नुन, साबुन, दाल लगायतका सामाग्रीहरु रहेका वितरण गरिएको थियो । यस्ता कार्यक्रमले गर्भवती महिलामा स्वास्थ्य प्रति सचेत हुनुका साथै नियमित स्वास्थ्य चेकजाँच गर्ने बानीको समेत विकास गराउने उनको भनाइ छ । डा सतिस ढकालले गर्भवती महिलाको पोषणले जीवनको समग्र स्वास्थ्य अवस्था निर्धारण गर्ने भएकाले वडा र स्वास्थ्य स्वयंसेविकाले यो विषयलाई महत्व दिइएको बताए ।
उनले गर्भवती महिलाको आत्मविश्वास बढाउँदै गर्भावस्थामा ध्यान पु¥याउनुपर्ने कुराबारे चेतना फैलाउने कार्य निरन्तर गर्नु पर्ने बताए । उनले गर्भवती महिलाले ९ महिनाको अवधिमा ४ पटक सम्म स्वास्थ्य जाँच अनिवार्य रुपमा गर्नु पर्ने बताए ।
स्वास्थ्य कार्यालयमा गर्भवती महिलाको लागि सबै सेवाहरु उपलब्ध रहेको साथै स्वास्थ्य संस्थामा सुत्केरी हुने महिलालाई सबै किसिमका सुविधा दिइने उनको भनाइ छ ।