औद्योगिक व्यवसायलाई विकास गर्न सक्दो प्रयास गरिने : मेयर दाहाल

चितवन / भरतपुर महानगरभित्र रहेका औद्योगिक व्यवसायलाई सफलतापूर्वक कार्य गर्नका लागि महानगरले विभिन्न गतिविधि गरिरहेको छ । भरतपुर महानगरपालिका मेयर तथा प्रमुख अतिथि रेनु दाहालले चितवन उद्योग संघको औद्योगिक पाठशाला कक्ष समुद्घाटन एवम् महानगरपालिकाबाट प्रबद्र्धित वेवसाइटको घोषणा गरेका हुन् ।
कार्यक्रममा बोल्दै प्रमुख अतिथि दाहालले औद्योगिक रुपमा विकसित हुँदै गएको महानगरमा पछिल्लो समय लक्ष्यभन्दा बढी राजस्व संकलन भइसकेको बताए ।
उनले जनप्रतिनिधि आएको करिब करिब ४ वर्षको अवधिमा महानगरमा धेरै विकास भएको दावी गरिन् । भरतपुरमा औधोगिक ,शिक्षा, स्वास्थ्य, कृषि, पुर्वाधार विकास लगाएत सबै क्षेत्रमा धेरै उल्लेख्य काम भएको बताउदै भरतपुर २१ पार्वतीपुरमा १९ करोडौंको ठेक्कामा महानगरले गौरव गर्ने संरचना निर्माण भइराखेको उनले बताइन् ।
अबको ४ महिनामा अझै धेरै काम गर्न बाँकी रहेको र विकासमा राजनीति मिलाउन नहुने उनको भनाइ थियो ।
चितवनको गौरव परियोजना मध्ये गैतमबुद्ध रङ्गशालालाई जोड्दै दाहालले महानगरले रङ्गशाला निर्माणको लागि पहिलेनै ८ करोड सहयोग गरिसकेको र फेरि २ करोड सहयोग गर्ने प्रकृयामा रहेको उनले जानकारी गराइन् ।
कार्यक्रममा भरतपुर महानगरको उप प्रमुख पार्वती शाहा ठकुरी, नेपाल पत्रकार महासघंका अध्यक्ष नारायणप्रसाद अधिकारी , चितवन उद्योग सघंका निवर्तमान अध्यक्ष भेषराज अधिकारी लगायतले मन्तव्य दिएका थिए ।