आज ७६० संक्रमित थप, ८९९ जना संक्रमणमुक्त

काठमाडौं / पछिल्लो २४ घण्टामा नेपालमा थप ७६० जनामा कोरोना भाइरस संक्रमण पुष्टि भएको छ । देशैभर गरिएको परीक्षण पीसीआर विधिबाट ६ हजार १६८ र एन्टिजेन विधिबाट ५ हजार ८६३ जनामा ७६० लाई कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
स्वास्थ्य मन्त्रालयका अनुसार यससँगै नेपालमा कुल संक्रमितको संख्या पीसीआरबाट ८ लाख १ हजार ६३३ र एन्टिजेनबाट ९२ हजार ९६३ जना पुगेको छ ।
यस्तै, आज थप ८९९ जना कोरोना संक्रमण मुक्त भएका छन् । यससँगै कुल कोरोना संक्रमणमुक्त हुनेको संख्या ७ लाख ७५ हजार ७२ जना पुगेको छ । निको हुने दर ९६.७ प्रतिशत रहेको छ ।
त्यस्तै पछिल्लो २४ घण्टामा कोरोना संक्रमणबाट थप ११ जनाको मृत्यु भएको छ ।