माइत हिँडेकी २१ वर्षीया कार्की बेपत्ता

नवलपुर / पूर्वी नवलपरासीको कावासोती–१६ डण्डाकी २१ वर्षीया सरस्वती कार्की वेपत्ता भएपछि परिवारले खोजी गरिदिन आग्रह गरेका छन् । उनी गत कार्तिक १२ गते आफ्नै घर कावासोती–१६ डण्डाको गैरी गाउँदेखि माइत हिँडेको उनका परिवारले जनाएको छ ।
उनी माइती पक्ष हुप्सेकोट २ कोलियामा पनि सम्पर्कमा नआएपछि परिवारले गत कार्तिक २८ गते जिल्ला प्रहरी कार्यालय कावासोतीमा उजूरी दर्ता गराएका थिए ।
प्रहरीले १ महिनादेखि खोजी कार्य जारी राखेको भए पनि अहिलेसम्म पत्ता लगाउन नसकेको बताइएको छ । बेपत्ता कार्कीकी श्रीमान् बिक्रम केसीले सबैलाई खोजी गरिदिन आग्रह गरेका छन् ।
ती वर्ष अगाडि धुमधामसँग बिहे गरेकी छोरी वेपत्ता भएपछि सरस्वतीका बुवा राजन कार्की र श्रीमान बिक्रम केसीले संयुक्त रुपमा उजुरी दर्ता गरेको बताएका छन् ।
बेपत्ता कार्कीको हुलिया गहुँ गोरो वर्णको भएकी र कतै फेला परेमा नजिकको प्रहरी कार्यालय वा मोबाइल ९८०४४७१६२२ मा सम्पर्क गरिदिन उनका बुबा राजन कार्कीले आग्रह गरेका छन् ।