एमाले महाधिवेशनमा चितवन आएका भगलुको शंस्कास्पद मृत्यु

चितवन / चितवनमा सम्पन्न एमालेको १०औं महाधिवेशनमा सहभागी भएका सप्तरी सुरुंगा नगरपालिका–३ का ३३ वर्षीय भगलु सदाको मृत्यु भएको छ । उनी गाउँको नेताहरूसँग उक्त महाधिवेशनमा चितवन आएका थिए ।
उनलाई महाधिवेशनकै दिन चितवनमा गाडीले ठक्कर दिएको र उपचारको क्रममा मृत्यु भएको उनीसँगै गएका एक एमाले नेताले बताए । ठक्कर दिने गाडी अझैसम्म पत्ता नलागेको बताइएको छ ।
पाँच दिनपछि मंगलबार भगलुको शव सप्तरीस्थित घर पु¥याइएको हो भने उनको दुबै खुट्टा भाँचिएको अवस्थामा थियो ।
दुर्घटनाको बारेमा परिवारलाई कुनै जानकारी नदिई राति नै शव जलाउन खोजिएको भएपनि राष्ट्रिय दलित मुक्ति जागरण अभियानका सदस्यरूको विरोध कारण रोकिएको उनका एक छिमेकीले बताए ।
पीडित परिवारले घटनाको सत्यतथ्य छानबिन गरर दोषीलाई कारवाही, क्षतिपूर्तिको व्यवस्था र सहिद घोषणा नभएसम्म शव नजलाउने अडान लिएका छन् ।
वैदेशिक रोजगारका लागि कतार जान भगलुको भिसा आइसकेको थियो । घरमा एक जना मात्र कमाउनेको त्यसरी शंकास्पद मृत्यु भएपछि उनको परिवार बिचल्लीमा परेको छ । भगलुका श्रीमती, एक छोरा र दुई छोरी छन् ।