गैंडाकोटमा कोभिडबाट मृत्यु भएका परिवारलाई ५० हजार दिइने

गैँडाकोट / गैंडाकोट नगरपालिकाले कोभिड–१९ बाट मृत्यु भएकाको परिवारलाई ५० हजार दिइने भएको छ । नगरपालिकाले कोभिड–१९ का कारण मृत्यु भएका व्यक्तिको परिवारलाई लागि आर्थिक सहायता स्वरुप ५० हजार एकसाता भित्र दिइने भएको हो ।
कोभिड–१० पीडित परिवारलाई एकसाताभित्र नगरपालिकाको स्वास्थ्य शाखामा सम्पर्क राख्न भनिएको छ । आर्थिक सहायता दावी गर्न नगरपालिकाको स्वास्थ्य शाखामा आवश्यक प्रमाणसहित सम्पर्क गर्न नगरपालिकाका प्रमुख प्रशासकीय अधिकृत छविलाल सुवेदीले आग्रह गरेका छन् ।
मृतकको कोभिड–१९ पोजेटिभ भएको रिपोर्ट, अस्पतालले दिएको कोभिड–१९ का कारण मृत्यु भएको प्रमाणपत्र, मृत्युदर्ता प्रमाणपत्रको प्रतिलिपि, मृतकसँगको नाता प्रमाणित, बैंक खाता लगायतका कागजपत्र र प्रक्रिया पु¥याउनुपर्ने उनले बताए ।
स्वास्थ्य शाखा प्रमुख झलकराज पौडेलका अनुसार गैँडाकोटमा गत आर्थिक वर्षमा २३ जना र चालु आर्थिक वर्ष ५ जना गरी २८ जनाको मृत्यु भएको तथ्याङ्क छ । तोकिएका आवश्यक कागजात पूरा गर्ने परिवारलाई आर्थिक सहायता उपलब्ध गराइने पौडेलले बताए । मृतक परिवारका १८ वर्षमुनिका बालबालिकालाई समेत पढाइ खर्च स्वरुप आर्थिक सहायता उपलब्ध गराइने छ ।