इच्छाकामनाका अध्यक्ष गुरुङको केन्द्रीय सदस्यमा उम्मेद्वारी

कुरिनटार / चितवनको एकमात्र गाउँपालिका इच्छाकामनाका अध्यक्ष गीताकुमारी गुरुङले नेपाली कांग्रेसको आसन्न १४औं महाधिवेशनमा केन्द्रीय सदस्यमा उम्मेद्वारी दिने भएको छ ।
उनले आज शुक्रबारदेखि केन्द्रीय सदस्यमा उम्मेद्वार रहने जानकारी गराउँदै भोट माग्न सुरु गरेकी छिन् । उनी स्थानीय तहको निर्वाचनमा नेपाली कांग्रेसले चितवनमा जितेको एकमात्र स्थानीय तह इच्छाकामना गाउँपालिकाको अध्यक्ष हुन् ।
यसअघि सम्पन्न नेपाली कांग्रेसको १४औं महाधिवेशनमा खुल्ला महिला तर्फबाट केन्द्रीय महाधिवेशन प्रतिनिधिमा उनी निर्वाचित भएकी थिइन् ।