मोदीले लिए मर्सिडीज मेब्याच १९ करोडको बुलेट प्रुफ कार

काठमाडौं / भारतीय प्रधानमन्त्री नरेन्द्र मोदीले बुलेट प्रुफ कार लिएका छन् । यो नयाँ लक्जरी कारको नाम मर्सिडीज मेब्याच एस६५० हो, जुन अत्याधुनिक सुविधाबाट सुसज्जित छ।
यसअघि मोदीले ल्याण्ड रोवर भोग, टोयोटा ल्यान्ड क्रुजर चढ्ने गरेका थिए । यो लक्जरी कार मर्सिडिजको पछिल्लो कार हो, जसले विशेष सुरक्षा दिनेछ । अन्य कारको तुलनामा यो कारको सुरक्षा स्तर उच्च रहेको कम्पनीको दाबी छ । मर्सिडीज मेब्याचको विशेषता यसको सुरक्षा प्रणाली हो।
भारतीय सञ्चार माध्यमका अनुसार मर्सिडीज-मेब्याचले गत वर्ष भारतमा एस६०० गार्ड १६.८ करोड रुपैयाँमा लन्च गरेको थियो । साथै त्यसको पछिल्लो भर्सनको मर्सिडीज मेब्याच एस६५० को मूल्य १९ करोड २० लाख रुपैयाँभन्दा बढी हुने अनुमान गरिएको छ।
मर्सिडीज-मेब्याच कारको बढी र झ्यालहरूले जस्तै प्रकारको गोली वा बम सामना गर्न सक्नेछ । थप सुरक्षाको सन्दर्भमा, यसले २०१० मा एक्स्प्लोजन प्रुफ भेहिकल रेटिङ प्राप्त गरेको छ ।
यसमा सवार यात्रुहरू २ मिटरको दूरीबाट टीएमटी व्लास्ट गराए पनि सुरक्षित रहनेछन्। यो कारलाई सुरक्षा दिनका लागि नै बनाइएको हो । यसले ग्यास आक्रमण भए पनि सुरक्षा प्रदान गर्नेछ । साथै गोला बारुदको साथ आक्रमणको घटनामा पनि सुरक्षा प्रदान गर्नेछ।
यस कारको इन्धन ट्याङ्कीलाई विशेष सामग्रीले लेपित गरिएको छ । जसले तापक्रम बढेसँगै प्वालहरू स्वतः बन्द गर्छ। यसमा बोइङले आफ्नो एएच-६४ अपाचे ट्याङ्क हेलिकप्टरहरूको लागि प्रयोग गर्ने सामग्रीबाट प्रयोग गरिएको छ । यो विशेष रन-फ्ल्याट टायरहरूमा पनि चल्छ जुन टायरहरू क्षति भए पनि चल्न सक्छ ।