चितवनमा भोलि ६ घण्टा विद्युत अवरुद्ध

चितवन / चितवनमा शनिबार बिहान १० बजेदेखि बेलुकी ४ बजेसम्म विद्युत् अवरुद्ध हुने भएको छ । नेपाल विद्युत् प्राधिरण भरतपुर वितरण केन्द्रका अनुसार भरतपुरको गोन्द्राङदेखि जिल्ला प्रशासन चोकसम्म विद्युत अवरुद्ध हुने भएको हो ।
उक्त क्षेत्रमा निर्माणाधीन ६ लेन सडकको पुरानो ३३ केभी लाइन नयाँ निर्मित ३३ केभीमा सार्ने कामका लागि चनौली र पर्सा ३३ केभी लाइन लाइन अवरुद्ध गर्न लागिएको हो ।
नेपाल विद्युत् प्राधिकरण चनौली ३३÷११ केभी सबस्टेसन, माडी वसन्तपुर ३३÷११ केभी सबस्टेसन, पर्सा ३३र÷११ केभी सबस्टेसनबाट विद्युत् वितरण हुने स्थानहरुमा लाइन अवरुद्ध हुनेछ ।
चितवनमा केही दिन यता मर्मत सम्भारको नाममा बारम्बार विद्युत् अवरुद्ध हुने गरेको छ ।