राष्ट्रियसभा सदस्य निर्वाचन सबै तयारी पुरा, भोलि निर्वाचन

मकवानपुर / बागमती प्रदेशमा भोलि हुने राष्ट्रियसभा सदस्य निर्वाचनको लागि सबै तयारी पुरा भएको छ । निर्वाचनका लागि प्रदेशबाट उम्मेवारी दिएका उम्मेदवारलाई चुनाव चिन्ह, मतपत्र छपाई, मतदानस्थलमको व्यवस्था लगयातको तयारी पुरा भइरसकेको प्रदेश निर्वाचन कार्यालय हेटौंडाले जनाएको छ ।
राष्ट्रियसभा सदस्य निर्वाचनअन्तरग बागमती प्रदेशबाट दुई सदस्यका लागि भोलि निर्वाचन हुँदैछ । २ पदका लागि ६ जनाको उम्मेदवार परेको छ । राष्ट्रियसभा सदस्य निर्वाचन अधिकृत डिल्लीरत्न श्रेष्ठका अनुसार, निर्वाचनका लागि नेपाली कांग्रेसका कृष्णप्रसाद पौडेललाई ‘रुख’, नेकपा एकीकृत समाजवादी पार्टीकी गोमा तिमल्सिनालाई ‘कलम’ चिन्ह प्रदान गरेको छ ।
त्यस्तै, एमालेबाट उम्मेदवार बनेका गोपाल शाक्य, निरकुमारी कुँवर, दर्लामीलाई ‘सूर्य’ चिन्ह दिएको छ । नेमकिपाका उम्मेदवार कृष्णबहादुर तामाङ र गीता काफ्लेलाई ‘मादल’ चिन्ह प्रदान गरेको छ ।
हेटौंडा उपमहानगरपालिका वडा नम्वर –८ स्थित औद्योगिक क्षेत्र व्यवस्थापन कार्यालयको सभाहललाई मतदान केन्द्र तोकिएको छ । मतदान कार्यक्रम बिहान ९ बजेदेखि ३ बजेसम्म संचालन हुने जनाएको छ ।