चितवनमा थप ३३६ जनामा कोरोना संक्रमण

चितवन / चितवनमा पछिल्लो २४ घण्टामा ३३६ जनामा कोरोना भाईरस संक्रमण पुष्टी भएको छ । स्वास्थ्य कार्यालय चितवनका अनुसार आज जिल्लाभर ३३६ जना नयाँ संक्रमित थपिएका हुन्न ।
यो संगै चितवनमा कोरोना संक्रमितको संख्या ३१ हजार १४१ पुगेको छ । त्यस्तै आज सम्म दिउसो सम्म जिल्लाभर सक्रिय संक्रमितको संख्या ३ हजार ६१९ पुगेको छ ।
जसमध्ये ३ हजार ५७९ जना होम आइसोलेसनमा रहेका छन् भने ४० जना अस्पतालमा उपचाररत छन् । यता आज ९७ जना कोरोनामुक्त भएका छन् । यस सँगै चितवनमा कोरोनामुक्त हुनेको संख्या २७ हजार ९१ पुगेको छ ।
चितवनमा आज कोरोना संक्रमणबाट कसको पनि मृत्‍यु भएको छैन । हालसम्म कोरोनाबाट मृत्‍यु हुनेको संख्या ४३८ पुगेको छ ।