नेपालमा थप ८४५४ जनामा कोरोना पुष्टि

काठमाडौं / नेपालमा थप ८ हजार ४५४ जनामा कोरोना भाइरस (कोभिड–१९) संक्रमण पुष्टि भएको छ । पछिल्लो २४ घण्टामा २० हजार ३५९ जनाको पीसीआर र एन्टीजेन परीक्षण गर्दा उनीहरुमा कोरोनापुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै देशभर कोरोनाका सक्रिय संक्रमित ९० हजार ६७ जना पुगेका छन् । यस्तै, देशभर पछिल्लो २४ घण्टामा ५ जना कोरोना संक्रमितको मृत्यु भएको छ भने ४ हजार ४३३ जना संक्रमणमुक्त भएका छन् ।
मन्त्रालयका अनुसार, हालसम्म देशभर ६१ लाख ११ हजार २१३ जनाको परीक्षण भएकामा जम्मा १० लाख ५४ हजार ८८ जनामा कोरोना पुष्टि भएको छ । तीमध्ये ८ लाख ३१ हजार ७१२ जना संक्रमणमुक्त भएका छन् भने ११ हजार ६७२ जनाको मृत्यु भएको छ ।