राप्रपामा २४ पदाधिकारी मनोनित

मकवानपुर / राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङदेनले २४ पदाधिकारी मनोनित गरेका छन् । अध्यक्ष लिङदेनले दुई महामन्त्री र दुई उपाध्यक्षसहित २४ जना पदाधिकारी मनोनित गरेका हुन् । उनले उपाध्यक्षमा हेमजंग गुरुङ र मुकुन्दश्याम गिरी, महामन्त्रीमा राजेन्द्र गुरुङ र प्रल्हादप्रसाद साहलाई मानोनित गरेका हुन् ।
राप्रपामा कमल थापाको उदयसँगै प्रत्येक पटक कुनै न कुनै पदाधिकारी प्राप्त गर्दै आएको मकवानपुरले यो पटक भने कुनै पनि पदाधिकारी प्राप्त गर्न सकेन् । अध्यक्ष लिङदेलले प्रवक्तामा भक्तिप्रसाद सिटौला, मोहन श्रेष्ठ, सगुनसुन्दर लावती र गोपाल दाहाललाई जिम्मेवारी दिएका छन् भने सहायक प्रवक्तामा प्रविनकुमार थोकर तामाङ, दिनेशकुमार साह, पूर्णबहादुर चन्दलाई जिम्मेवारी दिएका छन् ।
यसैगरी, सहमहामन्त्रीमा मोहनप्रसाद यादव, धनबहादुर बुढा, श्यामबहादुर शाही, प्रकाश रिमाल, रवीन्द्रप्रताप शाह, झनक प्याकुरेल र रीना गुरुङलाई मनोनीत गरेका छन् भने सहायक महामन्त्रीमा रमानन्द न्यौपाने, विजय खड्का, प्रेम बलायर, ऋषिराज देवकोटा, ताहिर अलि र दीपककुमार राईलाई मनोनित गरेका छन् ।