निकुञ्जमा दुई वर्षको मृत गैंडा फेला

चितवन / चितवन राष्ट्रिय निकुञ्जको बाघमाारा पोष्ट नजिकै काभ्रेताल छेउमा बच्चा गैंडा मृत फेला परेको छ । निकुञ्जले बाघको आक्रमणबाट गैंडा मरेको जनाएको छ । निकुञ्जका सूचना अधिकारी गणेश प्रसाद तिवारीका अनुसार अन्दाजी २ वर्षको गैंडा मृत फेला परेको हो ।
गैंडाको खुर सुरक्षित रहेको छ । उमेरका कारण खाग पलाउने अबस्था नरहेको उहाँले जानकारी दिनुभयो । गैंडालाई केही दिन अघि बाघले खाएकाले लिंग पहिचान हुन सकेको छैन ।
निकुञ्जमा चालु आर्थिक वर्षमा २४ वटा गैंडा मरेका छन् । जसमध्ये २ चोरी शिकारी र २२ वटा प्राकृतिक कारणले मरेका हुन । वन क्षेत्रमा थप एक गैंडा यसै अबधिमा मरेको छ ।