गरिबी निवारणका लागि ५ दिने प्रस्तावना लेखन तालिम

मकवानपुर / मकवानपुरको राक्सिराङ गाउँपालिकामा ५ दिने प्रस्तावना लेखन तथा व्यावसायिक योजना तालिम सम्पन्न भएको छ । लघु उद्यमी विकाश शाखा राक्सिराङ गाउँपालिकाले गरिबी निवारणका लागि प्रस्तावना लेखन तथा व्यावसायिक कार्यक्रम संचालन गरेको हो ।
राक्सिराङका कृषक, उपभोक्ता एवम् संस्था संचालकहरुलाई प्रस्तावना लेखन सम्बन्धी ज्ञानको आवश्यकता भएकाले तालिम आयोजना गरिएको कार्यक्रम संयोजक एवम् लघु उद्दमी बिकास शाखाका प्रमुख मानसिंह घलानले जानकारी दिए । तालिममा राक्सिराङका ९ वटै वडाबाट १÷१ जना र गाउँपालिका बाट १ जना गरी १० जना प्रशिक्षार्थीहरु सहभागी भएका थिए ।
कार्यक्रममा राक्सिराङ गाउँपालिकाको उपाध्यक्ष एवम् कार्यक्रमका सभापति निर्मला हिम्डुङ्गले आफू पनि प्रस्तावना लेखनमा धेरै मेहनत गरी अघि बढेकोले सफल भएको बताइन् ।
कार्यक्रममा सामाजिक बिकास शाखाका प्रमुख गोबिन्द अधिकारीले प्रशिक्षार्थीहरु कृयाशिल रहेकाले भविश्यमा प्रस्तावना लेखनमा सफल हुने विश्वास व्यक्त गरे ।
तालिममा प्रशिक्षक द्वय राक्सिराङ गाउँपालिकाका रोजगार संयोजक गोबिन्द बिश्वकर्मा र कमल कुमार बिश्वकर्माले प्रशिक्षण दिएका थिए ।
तालिमको समापन कार्यक्रम लघु उद्दमी विकास शाखाका प्रमुख एवम् सो कार्यक्रमका संयोजक मानसिंह घलानले संचालन गर्नुभएको थियो भने सहजीकरण लघु उद्यमी विकास शाखाका कर्मचारी सावित्री तामाङले गरेका थिए ।