चितवनमा थप १७ जनामा कोरोना संक्रमण

चितवन / चितवनमा थप १७ जनामा कोरोना संक्रमण पुष्टि भएको छ । स्वास्थ्य कार्यालय चितवनका अनुसार पछिल्लो २४ घण्टामा ४६१ जनाको कोरोना परीक्षण गर्दा १५ जनाको पिसिआर र २ जनाको एन्टिजेन मार्फत संक्रमण पुष्टि आज बुधबार भएको हो ।
यससँगै जिल्लाभर संक्रमितको संख्या ३३ हजार ४६४ पुगेको छ । त्यस्तै आज जिल्लाभर ६१३ जना सक्रिय संक्रमित रहेका छन् । जसमध्ये ५९१ जना होम आइसोलेसनमा रहेका छन् भने २२ जना अस्पतालमा उपचाररत छन् ।
यस्तै जिल्लाभर १९३ जना कोरोनामुक्त भएका छन् । यससँगै चितवनमा कोरोनामुक्त हुनेको संख्या ३२ हजार ४०४ पुगेको छ ।