‘सत्ता र सडक मध्ये एकलाई त्याग्नु पर्छ’ – मन्त्री झाँक्री

चितवन / शहरी विकास मन्त्री तथा नेकपा एकीकृत समाजवादीकी नेतृ रामकुमारी झाँक्रीले आफ्नो पार्टीले सरकार र सडक मध्ये एकलाई त्याग्नु पर्ने बताइन् । नेकपा एकीकृत समाजवादी पार्टी कार्यालय भरतपुरमा आयोजित पत्रकार सम्मेलनमा सरकार र सडक मध्ये एकलाई त्याग्नु पर्ने बताएकी हुन् ।
पार्टीको स्थायी कमिटीले एमसिसी टेबलको निर्णय गर्ने, सचिवालय बैठकले पास गर्न नदिने निर्णय गर्ने विरोधावास भएकोे उनको तर्क थियो । पार्टीका कारणले एमसिसीलाई पास गर्ने नगर्ने सम्बन्धमा हाम्रो अगाडि गम्भीर प्रश्न खडा भएको बताउँदै झांँक्रीले आफू दोधारमा नरहे पनि पार्टीको निर्णय भने दोधारे रहेको उनको भनाइ थियो ।
उनले सरकारमा बसेर सरकारकै बिरोध गर्नु उचित नहुने स्पोटक्ति थियो । ‘सरकारमा बसेपछि सरकारको बिरोध गर्दै सडकमा बसेर ढुङ्गा हान्न सुहाउँदैन ।’ उनले भनिन्, ‘म झण्डा भएको गाडी र सुरक्षाकर्मी सहित हिड्ने म नै सडकमा उही सुरक्षाकर्मीलाई ढुंगा हान्न कदापी मिल्दैन ।’
तर आफू पार्टीको सिपाही भएकोले पार्टीको निर्णय अनुसार चल्ने बताए । यदि पार्टीले सरकारबाट बाहिर बोलाएको खण्डमा एक मिनेट पनि आफू मन्त्री पदमा नबस्ने जिकिर थियो ।
एमसिसी बारे आएको भ्रम जनता सामु पु¥याएर बुझाउन सक्नु पर्ने र केही बँुदा मिलाएर एमसिसी पास गर्दा राम्रो हुने उनले भने ।