चितवन / भरतपुर ११ वाइपास रोडस्थित एस एण्ड पी अडिटिङ कम्पनीको आठौं वार्षिकोत्सव सप्ताहव्यापी कार्यक्रम अन्तर्गत मंगलबार शिवरात्रीको अवसर पारेर शिव पूजन तथा प्रसाद वितरण कार्यक्रम सम्पन्न गरेको छ । शिव पूजन तथा प्रसाद वितरण कम्पनीकै परिसरमा सम्पन्न भएको हो ।
कार्यक्रममा विभिन्न संघ संस्थाका व्यक्तित्वहरु, भक्तजनहरु तथा पैदल यात्रुसमेतलाई निमन्त्रणा गरी टिका तथा प्रसाद वितरण कम्पनीका प्रबन्ध निर्देशक सूर्यप्रसाद श्रेष्ठले गरेका हुन् । उक्त कार्यक्रममा झण्डै २ सय बढी व्यक्तित्वहरुले टिका तथा प्रसाद ग्रहण गरेका थिए ।
यसअघि सोमबार भरतपुर ११ बाइपास रोड वरपर बाटो सरसफाइ कार्यक्रम सम्पन्न गरेको हो । कम्पनीको साताव्यापी कार्यक्रम अन्तर्गत दोश्रो दिनको सरसफाइमा सोही कम्पनीका कर्मचारी तथा टोलका वासिन्दाहरुको समेत सहभागिता रहेका थिए ।
आगामी कार्यक्रम कवि गोष्ठी तथा अन्तक्र्रिया, विद्यार्थीहरुका लागि चित्रकला प्रतियोगितालगायतका रहेको कम्पनीका प्रबन्ध निर्देशक श्रेष्ठले जानकारी दिए । कार्यक्रमको समापन फागुन ३० गते सोमबार गरिने कम्पनीले जनाएको छ ।
- ADVERTISEMENT -
