कांग्रेस चितवनमा अन्ततः खनालको नेतृत्व

चितवन / नेपाली कांग्रेस चितवनले अन्ततः सभापति पाएको छ । पटकपटक स्थगित हुँदै आएको नेपाली कांग्रेस चितवनको अधिवेशनले यसपटक भने सभापति पाएको हो ।
दोस्रो चरणको निर्वाचन आज शनिबार हुने भनिए तापनि शुक्रबारको निर्वाचनमा उनका निकटतम प्रतिद्वन्द्वी मिलनबाबु श्रेष्ठले समर्थन जनाएपछि राजेश्वर खनाल निर्विरोध निर्वाचित भएका हुन् । खनालले अधिवेशनको पहिलो चरणको निर्वाचनमा सबैभन्दा धेरै मत ल्याएका थिए ।
शुक्रबार सम्पन्न पहिलो चरणको निर्वाचनमा ५१ प्रतिशत कुनैपनि उम्मेद्वारको नपुगेपछि आज (शनिवार) दोस्रो चरणको मतदान हुने भनिएको थियो ।
पहिलो चरणमा राजेश्वर खनालले सर्वाधिक ७४६ मत प्राप्त गरेका थिए . यस्तै मिलनबाबु श्रेष्ठले ६६२ मत, उत्तम जोशीले ४७३ मत, कैलाश कोइरालाले ४१२ मत र डा. सूर्यकान्त घिमिरेले ४२६ मत प्राप्त गरेका थिए । १०९ मत बदर भएको थियो ।