नारी दिवसमा पाँच महिला कर्मचारीहरुलाई सम्मान

चितवन / भरतपुर ११ वाइपास रोडमा अवस्थित एस एण्ड पी कम्पनीले पाँच जना महिला कर्मचारीलाई सम्मान गरेको छ । कम्पनीले ११२औं नारी दिवसको अवसर पारेर उक्त कर्मचारीहरुलाई सम्मान गरिएको कम्पनीका प्रबन्ध निर्देशक सूर्यप्रसाद श्रेष्ठले जानकारी दिए ।
सम्मानित हुनेहरुमा अनिता नेपाल, पूर्णिमा अधिकारी, शर्मिला गौली, निर्मला प्रधान र सन्जना पौडेल रहेका छन् । कम्पनीको वार्षिकोत्सव सप्ताहव्यापी कार्यक्रम अन्तर्गत परेको नारी दिवसमा उनीहरु सम्मानित भएका हुन् ।
कार्यक्रममा चितवनका अग्रज पत्रकार गणशेखर शर्माको प्रमुख आतिथ्यता रहेको थियो । प्रमुख अतिथि शर्मा र कम्पनीका श्रेष्ठले उनीहरुलाई दोसल्ला र सम्मान पत्रले सम्मानित गरेको थियो ।
श्रेष्ठका अनुसार वार्षिकोत्सव अवसरमा ५० प्रतिशत छुट दिएको बताएको छ भने फागुन ३० गते सोमबार समापन गरिने जानकारी दिए । समापन दिनमा कवि गोष्ठी गरिने उनको भनाइ छ ।