सुनको मूल्यमा अहिलेसम्मकै उच्च, तोलाको एक लाख ५००५ रुपैयाँ

काठमाडौँ / नेपाली बजारमा सुनको भाउ अहिले सम्मकै उच्च भएको छ । आज बुधबार छापावाल सुनको मूल्य प्रतितोला रु. दुई हजार पाँचले बढेको छ । आज बढेसँगै सुनको कारोबार नेपालीमा बजारमा अहिलेसम्मकै उच्च विन्दुमा पुगेको हो ।
मूल्यवृद्धिसँगै सुनको भाउ रु एक लाख पाँच हजार ५०० पुगेको हो । यसअघि प्रतितोला रु. एक लाख तीन हजारमा कारोबार भएको थियोे ।
नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु एक लाख पाँच हजार तोकिएको छ । जसको मूल्य मङ्गलबार प्रतितोला रु एक लाख दुई हजार ५०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु ४०ले बढेर रु एक हजार ४५० पुगेको महासङ्घले जनाएको छ ।
महासङ्घले अन्तर्राष्ट्रिय बजारमा सुन तथा चाँदीका मूल्यमा हुने उतारचढावका आधारमा यहाँ दैनिक कारोबार मूल्य तोक्दै आएको छ । अन्तर्राष्ट्रिय बजारमा आज सुन प्रतिऔँस दुई हजार ५० डलर आसपास कारोबार भइरहेको छ ।