नेपालमा थपिए ७७ संक्रमित, १८१ संक्रमणमुक्त

काठमाडौं / नेपालमा पछिल्लो २४ घण्टामा ७७ जनामा कोरोना भाइरस (कोभिड–१९) संक्रमण पुष्टि भएको छ । ७ हजार ९ सय ८२ जनाको नमुना परीक्षण गर्दा उनीहरुमा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार, सो अवधिमा ५ हजार ६ सय ७ जनाको पीसीआर परीक्षण गर्दा ६२ जना र २ हजार ३ सय ७४ जनाको एन्टिजेन परीक्षण गर्दा १५ जनामा संक्रमण पुष्टि भएको हो । यस्तै, पछिल्लो २४ घण्टामा १ सय ८१ जना कोरोना संक्रमणमुक्त भएका छन् भने एक जनाको मृत्यु भएको छ ।
शुक्रबार थपिएसँगै नेपालमा कोरोना संक्रमितको कुल संख्या ११ लाख १७ हजार ७ सय ४१ पुगेको छ । तीमध्ये हालसम्म ११ हजार ९ सय ५० जनाको मृत्यु भएको भने ९ लाख ६० हजार ६ सय ६८ जना संक्रमणमुक्त भएका छन् ।
हाल ५ हजार २१२ जना संक्रिय संक्रमित रहेका छन् । जसमध्ये ५ हजार १०८ जना होम आइसोलेसनमा रहेका छन् भने १०४ जना संस्थागत आइसोलेसनमा रहेका छन् । कोरोनाका बिरामीमध्ये ३२ जना आईसीयू र ५ जना भेन्टिलेटरमा उपचाररत् रहेको स्वास्थ्य मन्त्रालयले जनाएको छ ।