बलेरो अनियन्त्रित भई पल्टदा १० घाइते

चितवन / चितवनमा बलेरो गाडी अनियन्त्रित भई पल्ँिटदा १० जना घाइते भएका छन् । भरतपुर महानगरपालिका–५ तोरीखेत स्थितमा प्रेमबस्तीबाट भरतपुरतर्फ आइरहेको प्राईम केबलको ग३च ७२७० नम्बरको बलेरो गाडीले कुकुरलाई ठक्कर दिई आफै अनियन्त्रित भई पल्टँदा चालकसहित १० जना घाइते भएको जिल्ला प्रहरी कार्यालय चितवनले जानकारी दिए । उक्त बलेरोमा १३ जना सवार थिए ।
प्रहरीका अनुसार घाइते हुनेमा स्याङजा बिरुवा गाउपालिका–३ बस्ने बर्ष ३७ को तुम बहादुर राना, ३ बस्ने बर्ष २६ को धिरज सारु मगर, पर्वत कुस्मा–१४ बस्ने बर्ष २२ को दिनेश क्षेत्री, बर्ष २४ को बिशाल बि.क., कुस्मा ८ बस्ने बर्ष १८ को सुन्दर बि.क., १४ बस्ने बर्ष २६ को बिशाल गुरुङ, २ बस्ने बर्ष २१ को अशोक क्षेत्री, १४ बस्ने बर्ष २० को सुनिल सुना, बस्ने बर्ष २१ को कृष्ण बहादुर बि.क., गुल्मी सत्यवती गाउपालिका– ६ बस्ने बर्ष २२ को सरोज भण्डारी रहेका छन् ।
घाइतेहरुको चितवन मेडिकल कलेज भरतपुरमा उपचार भइरहेको प्रहरीले जनाएको छ । प्रहरीले सवारी साधनलाई नियन्त्रणमा लिएको छ ।