चितवन / उद्योग वाणिज्य संघ चितवनको नयाँ कार्यसमितिले पदभार ग्रहण गरेका छन् । ५५औं वार्षिक साधारण सभा एवम् अधिवेशनका नवनिर्वाचित अध्यक्षसहित चुननारायण श्रेष्ठको नयाँ कार्यसमितिले बुधबार शपथ तथा पदभार ग्रहण गरेका हुन् । अधिवेशनका प्रमुख निर्वाचन अधिकृत राजकुमार श्रेष्ठले नवनिर्वाचित कार्यसमितिलाई शपथ ग्रहण गराएका थिए ।
नवनिर्वाचित अध्यक्ष चुननारायण श्रेष्ठले चितवनको अर्थतन्त्र विकासमा काम गर्ने बताए । उनले व्यवसायीहरुको हक अधिकारका लागि सधैँ अग्रभागमा रहेर काम गर्ने प्रतिबद्धता व्यक्त गरे ।
नवनिर्वाचित समितिको अध्यक्षमा चुननारायण श्रेष्ठ, वरिष्ठ उपाध्यक्षमा सुमनकुमार श्रेष्ठ, उद्योगतर्फको उपाध्यक्षमा चिरञ्जीवी सुवेदी, वाणिज्यतर्फको उपाध्यक्षमा सिरिष पन्त, उपाध्यक्ष कर्पोरेटतर्फ राजेन्द्र ओली, कार्यसमिति सदस्य महिलातर्फ पूर्णिमा श्रेष्ठ, क्षेत्रीय संघतर्फ रेशमलाल आचार्य, २ जना कर्पोरेट सदस्यतर्फ डा.जीवनकुमार श्रेष्ठ र रजनी मास्के, वस्तुगत सदस्यहरुमा गुणराज पौडेल, जनक पौडेल, रविन्द्रकुमार श्रेष्ठ र सन्तोषजनक भुषाल छन् ।
वाणिज्यतर्फका ६ जना सदस्यमा थीरप्रसाद धिताल, दिपा शाही, धनप्रसाद पोखरेल, नारायण प्रधान, राजन पिया र ज्ञानुप्रसाद न्यौपाने छन् । उद्योग तर्फको सदस्यहरुमा अशोक अधिकारी, इमान्दु बराल, कृष्णप्रसाद रिजाल, रुद्र सुवेदी, लिला बहादुर क्षेत्री र योगिता श्रेष्ठ पिया छन् ।
- ADVERTISEMENT -
पदाधिकारी सहित कुल २९ सदस्यीय समिति हुने उद्योग वाणिज्य संघ चितवनमा अव बस्ने बैठकले उपाध्यक्षहरुको तह निर्धारण गर्नेछ । वाँकी सदस्यहरुलाई मनोनित समेत गरिने छ । संघको ५५औं वार्षिक साधारण सभा तथा अधिवेशनले कार्यसमितिमा अध्यक्षसहित १३ पदमा निर्विरोध चयन गरेको थियो भने १२ पदमा निर्वाचन भएको थियो ।
