रत्ननगरमा नेकपा एकीकृत समाजवादीको मेयरमा बलियो स्थान

चितवन / नेपाल कम्युनिष्ट पार्टी (एकीकृत समाजवादी) का जिल्ला कमिटी सदस्य तथा नगर उपाध्यक्ष हरिकुमार श्रेष्ठले बैशाख ३० गते स्थानीय तह निर्वाचनमा रत्ननगरको मेयर नेकपा एसलाई दिनुपर्ने बताएका छन् । उपाध्यक्ष श्रेष्ठ लगायतका नेताहरुले आसन्न स्थानीय तहको निर्वाचनमा रत्ननगरको मेयर एकीकृत समाजवादीले पाउनु पर्ने दावी गरेका हुन् ।
रत्ननगरमा शनिबार आयोजना गरिएको कार्यक्रममा गठबन्धनका साझेदार दलहरु मध्ये नेकपा एसले रत्ननगरको मेयर पाउनु पर्ने बताएका हुन । नेताहरुले नेकपा एस रत्ननगरमा मतदाताको हिसाबले अगाडि रहेकोले मेयर पाउनु दावी गरेका हुन् भने अन्य नगरपालिका गठबन्धनका अन्य दलहरुलाई दिनु पर्ने बताए ।
श्रेष्ठले नेताहरुको ध्यानर्कषण गराउँदै रत्ननगरको मेयर नेकपा एसले पाउनु पर्ने दावी गरेका हुन् । कार्यक्रममा बोल्ने अधिकांस वक्ताहरुले नेकपा एसले रत्ननगरमा मेयर पाउने गरी लविङ गर्न केन्द्रीय स्तरका नेताहरुलाई आग्रह समेत गरेका छन् ।