बारको मतगणना आजदेखि सुरु

काठमाडौं / नेपाल बार एशोसिएशनको २६औं केन्द्रीय कार्यसमितिको निर्वाचन लागि आजदेखि मतगणना सुरु हुने भएको छ । नेपाल बार एशोसिएशन, २०७८ को प्रमुख निर्वाचन अधिकृत वरिष्ठ अधिवक्ता उषामल्ल पाठककाअनुसार बिहान ९ बजेदेखि मतगणना सुरु हुने बताइएको छ ।
देशैभर ३४ केन्द्रबाटै मतपेटिका काठमाडौंमा आइपुगेको छ । बारको यही चैत १९ गते काठमाडौं केन्द्रसहित देशभर ३५ स्थानबाट शान्तिपूर्ण तरिकाले मतदान सम्पन्न भएको थियो । बारमा अध्यक्षसहित ११ पदाधिकारी र सदस्य गरी २५ जनाको कार्यसमितिका लागि भएको निर्वाचनमा ९ हजार ७०८ अधिवक्ता मतदाताले मतदान गरेका थिए । त्यसमध्ये उपत्यकामा ५ हजार ७०० र उपत्यका बाहिर ३ हजार ५०० रहेका थिए ।