खैरहनीका प्रमुख भट्ट जिल्ला अदालतबाट सम्मानित

चितवन / ईलाका प्रहरी कार्यालय खैरहनी चितवनका प्रमुख प्रहरी निरीक्षक सुवास भट्ट सम्मानित भएका छन् । प्रमु्ख भट्ट अपराध, कानुन विपरीत हुने कार्य तथा घटनाको अनुसन्धानमा अब्बल सावित भएकोले जिल्ला अदालत चितवनबाट बिहीबार सम्मानित गरिएको हो ।
यसअघि प्रमुख भट्ट जिल्ला प्रहरी कार्यालयममा कार्यरत थिए भने उनलाई अनुसन्धानको पाटोमा रहेर कार्य गर्न खैरहनीको प्रमुखको जिम्मा दिइएको हो । अदालतहरुबाट विभिन्न मितिमा भएका फैसला, असुल गर्नुपर्ने जरीवाना तथा फैसला कार्यान्वयनमा परिणाम दिनेगरी काम गर्न सफल भएकोले चितवन जिल्ला अदालतले कदर–पत्रबाट सम्मान गरेको हो ।
जिल्ला न्यायाधीश हेमन्त रावलले भट्टले आफ्नो जिम्मेवारीमा देखाउनुभएको काम तथा ती फैसला कार्यान्वयनका लागि सक्रिय सहभागीता एव योगदान दिएकोले कदर–पत्रद्वारा सम्मानित गरिएको बताए ।
उनलाई एक कार्यक्रमकाबीच कदरपत्रद्वारा सम्मानित गरिएको हो । कार्यक्रममा प्रमुख जिल्ला अधिकारी अस्मान तामाङ लगायतको उपस्थिति थियो ।