चितवनको भरतपुर–२ मा नेकपा एसबाट तिवारीको उमेदवारी

चितवन / नेपाल कम्युनिष्ट पार्टी (एकीकृत समाजवादी)ले भरतपुर महानगरपालिका वडा नं. २ का लागि वडाअध्यक्ष पदका उमेदवारमा सुरज तिवारीलाई सिफारिश गरेको छ । पार्टीले बैशाख ३० गते हुने स्थानीय तह निर्वाचनका लागि वडाअध्यक्ष उमेदवार पदका लागि सुरज तिवारीको नाम सिफारिश गरेको हो ।
वडाअध्यक्ष पदका उमेदवार तिवारी वामपन्थी नेता हुन भने नेकपा एसको युवा ईन्चार्ज समेत रहेका छन् । उनी चितवनको हरेक आन्दोलनमा अग्र मोर्चामा रहेर काम गर्ने जुझारु नेताको रुपमा चिनिन्छन् ।
उनी चुनावी मैदानमा उत्रेको भरतपुर–२ कम्युनिष्टहरुको गढ भएको क्षेत्रको रुपमा गनिन्छ । सामाजिक कार्य तथा आम सर्वसाधारणका हरेक समस्यामा जुझारु रुपमा खट्दै आएका तिवारी चुनाव जित्नेमा ढुक्क छन् ।
उनी भरतपुर २ का स्थानीयवासी र लोकप्रिय नेताको रुपमा लिइन्छ । एमालेबाट बिद्रोह गरेर बनेको नेकपा एसबाट उमेद्वारी दिएका तिवारी आफ्नो जित सुनिश्चित रहेको र आम मतदातालाई भोट दिन आग्रह समेत गरेका छन् ।
उनले आफ्नो क्षेत्रका जनसमुदायका आवश्यकतालाई मध्यनजर गर्दै सबैको आवश्यकतालाई परिपुर्तिमा पहिलो प्राथमिकता रहने प्रतिबद्धता समेत व्यक्त गरेका छन् ।