स्थानीय तह निर्वाचन : चितवनका गठवन्धन दलको नयाँ कार्यदल निर्माण

चितवन / आसन्न स्थानीय तहको निर्वाचनका सम्बन्धमा जिल्ला स्थित गठबन्धनमा रहेका दलहरुको जिल्ला स्तरीय सयन्त्रको बैठकले १० सदस्यीय नया कार्यदल गठन गरेको छ । नेपाली काङ्ग्रेस चितवनको पार्टी कार्यालय कमलनगरमा शुक्रबार बसेको सयन्त्रको बैठकले हरेक दलबाट २÷२ जना रहने गरी १० जनाको कार्यदल गठन गरिएको नेपाली काङ्ग्रेस चितवनका सभापति राजेश्वर खनालले बताए ।
नेपाली काङ्ग्रेस चितवनका सभापति राजेश्वर खनालको अध्यक्षतामा सम्पन्न बैठकले आज गठन भएको कार्यदलले भोलि दिउँसो १२ बजेसम्म एउटा खाका बनाएर गठबन्धनका दलहरुका बिचमा प्रस्तुत गर्ने निर्णय भएको छ ।
बैठकमा नेपाली काङ्ग्रेस चितवनका सभापति राजेश्वर खनाल, नेकपा माओवादी केन्द्र चितवनका सयोजक रामचन्द्र अधिकारी, नेकपा एकीकृत समाजवादीका जिल्ला इन्चार्ज कृष्णप्रसाद खनाल, जनता समाजवादी पार्टीका जिल्ला अध्यक्ष प्रेम भुजेल र राष्ट्रिय जनमोर्चाका जिल्ला अध्यक्ष डम्बर पुरीको उपस्थिति रहेको थियोे ।