नेकपा समाजवादीको रत्ननगर १४ मा पार्टी कार्यालय उद्घाटन

चितवन / नेकपा एकीकृत समाजबादीले रत्ननगर १४ मा कार्यालय उद्घाटन गरेको छ । बैशाख ३० गते हुने स्थानीय तहको निर्वाचनलाई केन्द्रित गरी सो पार्टीले पारिजात चोकमा कार्यालय स्थापना गरी शुक्रवार उद्घाटन गरेको हो ।
पार्टी वडा कार्यालयको उद्घाटन गर्दै बागमती प्रदेशका आन्तरिक मामिला तथा कानुन मन्त्री कृष्णप्रसाद खनालले चितवनमा गठबन्धन दलबीच स्थानीय तहको निर्वाचनमा सम्मानजनक बाँडफाँड हुने बताए ।
दलहरुको मतदाता संख्या र स्थानीय स्तरमा उसको प्रभावलाई आधार मानेर पालिकाको मेयर,उपमेयर,वडाध्यक्ष तथा सदस्यहरुको बाँडफाँड हुने बताए । उनले जिल्लामा समाजबादीबाट मेयर,उपमेयर,वडाध्यक्ष र वडासदस्य समेत गरी कुनै न कुनै पदमा सम्मानजनक उपस्थिति हुने बताए । जिल्ला सचिव कुलप्रसाद लामिछानेले चितवनमा समाजवादीको राम्रो प्रभाव रहेको भन्दै उत्साहका साथ निर्वाचनमा लाग्न कार्यकर्तालाई आग्रह गरे । नगर अध्यक्ष बद्रिनाथ घिमिरेले निर्वाचन जित्ने गरी रत्ननगरमा योजना बनाएर काम गरिरहेको बताए ।
नगर उपाध्यक्ष हरिकुमार श्रेष्ठले पार्टी फुटले र्सिजना गरेको अन्यौलता चिर्दै स्थानीय तहको निर्वाचनमा आशादित प्रतिफल प्राप्त गर्ने दावी गरे ।
सो पार्टीबाट सर्ब सम्मत वडाध्यक्षकी उम्मेदवार तथा वडा इन्चार्ज विष्णु भण्डारी कट्टेले शुक्रवार वडा पार्टी कार्यालय उद्घाटन भएसंगै शनिवार देखि घरदैलो गर्ने बताइन । पहिलो चरणमा पार्टीको चुनाब चिन्ह चिनाउदै र भोट माग्दै जनताको घरदैलोमा पुग्ने बताइन ।
वडा कमिटी अध्यक्ष इश्वरीप्रसाद खनालको अध्यक्षतामा भएको कार्यक्रम सचिव रामचन्द्र दुवाडीले सञ्चालन गरेका थिए ।