होटल संघ चितवनको सम्मान तथा क्यालेन्डर विमोचन

चितवन / होटल व्यवसायी संघ चितवनले उद्योग वाणिज्य संघ चितवनका निर्वाचित कार्यसमितिलाई स्वागत तथा सम्मान र नव वर्ष २०७९ को शुभकामना आदानप्रदान कार्यक्रम समेत गरेको थियो ।
कार्यक्रममा वरिष्ठ उपाध्यक्ष दिनेशकुमार चुके प्रमुख अतिथि रहेका थिए । प्रमुख अतिथी चुकेले समृद्ध मुलुक निर्माणको लागि राज्यले पर्यटन क्षेत्रको प्रवद्र्धनमा जोड दिनु पर्ने बताए । होटल व्यवसायी महासंघको पहलमा विभिन्न प्रदेश सरकारले पर्यटन क्षेत्रमा लगानी वढाएको जानकारी दिँदै चुकेले वागमती प्रदेशको पर्यटन मन्त्रालयसँग पनि आवश्यक छलफल भएको बताए ।
वागमती प्रदेश सरकारको पर्यटन मन्त्रालय पनि पर्यटन प्रवद्र्धनमा तयार भएको वताउँदै उहाँले त्यसका लागि व्यवसायीहरुको पहल आवश्यक रहेको बताए । पर्यटन प्रवद्र्धन गर्न सके होटल लगायतका पर्यटन व्यवसायी थप मजवुत हुने वताउँदै उहाले आन्तरिक एवं वाह्य पर्यटन प्रवद्र्धनमा जोड दिनु व्यवसायीलाई आग्रह गरे ।
८० प्रतिशत भन्दा वढि व्यवसायीले भाडामा आफ्नो व्यवसाय संचालन गर्दै आएको वताउँदै चुकेले भाडामा व्यवसाय गर्ने व्यवसायी र घरवेटीको समस्याको विषयमा गम्भिर हुन आग्रह गरे ।
कार्यक्रममा वोल्दै विशेष अतिथी उद्योग वाणिज्य संघ चितवनका अध्यक्ष चुननारायण श्रेष्ठले संघको तर्फवाट होटल व्यवसायीका समस्या समाधारमा आवश्यक पहल गर्ने प्रतिवद्धता व्यक्त गरे । पर्यटन विकासको लागि होटल व्यवसायीको भूमिका महत्वपुर्ण हुने वताउँदै उनले पर्यटन प्रवद्र्धन विना मुलुक समृद्ध वन्न नसक्ने वताए ।
कार्यक्रममा स्वागत मन्तव्य व्यक्त गर्दै होटल व्यवसायी संघ चितवनका अध्यक्ष दिलकुमार श्रेष्ठले होटल व्यवसाय प्रति राज्यको हेर्ने दृष्टिकोण परिवर्तन हुनुपर्ने बताए । राज्यलाई कर तिरेर व्यवसाय संचालन गरेको होटल व्यवसाय प्रवद्र्धन गर्नु राज्यको पनि दायित्व भएको वताए ।
उनले राज्यको सुरक्षा निकायले रातीको ९ वजे नै होटल व्यवसाय वन्द गराउँदै हिडेको प्रति आपत्ती जनाउँदै २४ सै घण्टा व्यवसाय संचालन गर्ने वतावरण वनाउनको लागि आवश्यक पहल गरिदिन होटल व्यवसायी महासंघ र उद्योग वाणिज्य संघ चितवनलाई ध्यानाकर्षण गराए ।
कार्यक्रममा उद्योग वाणिज्य संघ चितवनको नवनिर्वाचित कार्यसमतिलाई दोसल्ला ओढाएर स्वागत एवं सम्मान गरिएको थियो भने होटल व्यवसायी संघ चितवनद्धारा प्रकाशित भित्तेपात्रो (क्यालेन्डर) विमोचन गरिएको थियो । कार्यक्रममा होटल व्यवसायी संघ चितवनका सस्थापक अध्यक्ष जिवलाल सापकोटा, पुर्व अध्यक्ष विनोद शर्मा, निवर्तमान अध्यक्ष शर्मिला न्यौपानेलगायतले मन्तव्य दिएका थिए ।
कार्यक्रममा उद्योग वाणिज्य संघ चितवन र होटल व्यवसायी संघ चितवनका पदाधिकारी सहित कार्यसमिति सदस्यहरुको सहभागिता रहेको थियो । होटल व्यवसायी संघ चितवनका सचिव रामबहादुर गुरुङले संचालन गरेको कार्यक्रममा वरिष्ठ उपाध्यक्ष केशव हडखोलेले धन्यवाद सहित कार्यक्रम समापन गरेका थिए ।
होटल व्यवसायी संघ चितवनका अध्यक्ष दिलकुमार श्रेष्ठको अध्यक्षतामा कार्यक्रम सम्पन्न भएको थियो ।