रत्ननगरमा भारतीय ट्रकको ठक्करबाट साइकल यात्रीको मृत्यु

चितवन / रत्ननगरमा भारतीय ट्रकको ठक्करबाट साइकलमा सवार एकको मृत्यु र एक जना घाइते भएका छन् । रत्ननगर नगरपालिका ९, भानुचोकमा उक्त ठक्करबाट बुधबार एकजनाको ज्यान गएको जिल्ला प्रहरी कार्यालय चितवनले जनाएको छ ।
प्रहरीका अनुसार मृत्यु हुनेमा साइकलमा सवार रत्ननगर नगरपालिका वडा नं. १० बस्ने रामबहादुर परियारको छोरा वर्ष ६ का प्रिन्स परियार हुन् । उपचारको लागि भरतपुर अस्पतालमा लगिएका परियारको उपचारको क्रममा मृत्यु भएको प्रहरीले बताएको छ ।
पुर्व पश्चिम राजमार्गमा पुर्वबाट पश्चिमतर्फ जादै गरेको बीआर ०६ जीडी ८६७२ नम्बरको भारतीय ट्रकले विपरीत दिशाबाट आउँदै गरेको साईकललाई ठक्कर दिएको प्रहरीले जनाएको छ । साइकल चालक जिल्ला बारा जितपुर ६ घर भई हाल रत्ननगर नपा ९ भानुचोक बस्ने शेख एकवालको छोरा बर्ष १६ को राजा भन्ने सौगात अली घाइते भएका हुन् । अलीको टाउको, हात, पेट, ढाडमा चोट लागेको छ उनको पुरानो मेडिकल कलेजमा उपचार भइरहेको छ ।
ठक्कर दिने ट्रक चालक भारत जिल्ला बारबंशी कोतवाली नगर पंचायत बंकी ८ घर भएका वर्ष ३० को मोनु कश्यपलाई प्रहरीले नियन्त्रणमा लिएको छ । ट्रक र चालकको थप अनुसन्धान कार्य भइरहेको प्रहरीले जनाएको छ ।