एमालेले आज चुनावी घोषणापत्र सार्वजनिक गर्ने

काठमाडौं / नेकपा (एमाले)ले स्थानीय तहको निर्वाचनका लागि आज शुक्रबार घोषणापत्र सार्वजनिक गर्दैछ । एमाले अध्यक्ष केपी शर्मा ओलीले च्यासलस्थित तुलसीलाल अमात्य स्मृति प्रतिष्ठानमा घोषणापत्र सार्वजनिक गर्ने भएका हुन् । दिउँसो १ बजेपछि हुने घोषणा सार्वजनिक हुने बताइएको छ ।
पार्टीको नीति तथा अनुसन्धान प्रतिष्ठान र स्थानीय विकास विभागले विभिन्न चरणमा छलफल गरेर घोषणापत्र तयार गरेका हुन् । घोषणापत्र सार्वजनिक गरेपछि अध्यक्ष ओलीले सम्बोधन गर्नेछन् ।
घोषणापत्रलाई निर्वाचनमा महत्वपूर्ण मानिन्छ, जहाँ दलको प्रतिबद्धतासँगै पाँच वर्षे नीति तथा कार्यक्रमको स्पष्ट खाका हुन्छ । दलका प्रतिनिधि निर्वाचनबाट निर्वाचित भएको अवस्थामा उक्त घोषणापत्रलाई कार्यान्वयन गर्नुपर्ने हुन्छ । यसअघि एकीकृत समाजवादी, राप्रपा, राप्रपा नेपाल लगायत दलहरुले घोषणापत्र र प्रतिवद्धतापत्र सार्वजनिक गरिसकेका छन् ।