एस एण्ड पी कम्पनीको कवि गोष्ठी तथा कविता प्रतियोगिता हुने

चितवन / एस एण्ड पी अडिटिङ कम्पनीले साहित्यिक कवि गोष्ठी तथा कविता प्रतियोगिता गर्ने भएको छ । लोकतान्त्रिक गणतन्त्र दिवसको अवसर पारेर जेठ १५ गते साहित्यिक कवि गोष्ठी तथा कविता प्रतियोगिता गरिने कम्पनीका प्रबन्ध निर्देशक सूर्यप्रसाद श्रेष्ठले जानकारी दिए ।
शैक्षिक तथा साहित्य क्षेत्रहरुमा कलम चलाउने देशको धरोहरको रुपमा रहेका कविहरुबाट लेख रचनाको माध्यमबाट जनआन्दोलनका घाइतेहरुको पीडालाई उजागर गर्न उक्त कार्यक्रम राखिएको श्रेष्ठले बताए । उनले घाइतेहरुको मर्म र पीडा कविहरुले कलमकै माध्यमबाट चलाई दिन समेत आग्रह गरेका छन् ।
चितवन जिल्लाभरिकै कविहरुको उपस्थिति रहने उक्त प्रतियोगितामा उत्कृष्ट हुनेलाई पुरस्कारको व्यवस्था गरिने उनले बताए । उक्त कार्यक्रम भरतपुरको डल्फिन रेष्टुरेन्टमा गरिने बताइएको छ ।
सामाजिक व्यक्तित्व श्रेष्ठले यसअघि भरतपुर आसपासका सरकारी स्कुलमा ब्याग, डे«सलगायत सहयोग गरेका छन् । उनले समाज रुपान्तरणको लागि भन्दै एस एण्ड पी कम्पनीबाट आम्दानी भएको केही भाग सामाजिक काममा लगानी गर्दै आएका हुन् ।
श्रेष्ठ चितवन जनआन्दोलन घाइते समितिका अध्यक्ष समेत हुनुहुन्छ ।