हराएको मोटरसाइकल फेला, सवारी धनीलाई फिर्ता

हेटौंडा / हराएका दुई वटा मोटरसाइकल फेला पारी सम्बन्धित धनीलाई बुझाइएको छ । आफ्नै घरबाट मंगलबार हराएको ना६३प २१६ नम्बरको मोटरसाइकल हेटौंडा–१ चौकीटोलमा फेला पारी सम्बन्धित् धनीलाई बुझाइएको जिल्ला प्रहरी कार्यालय मकवानपुरका प्रहरी नायव उपरीक्षक टेक बहादुर कार्कीले जानकारी दिए ।
प्रहरीका अनुसार उक्त मोटरसाइकल हेटौंडा वडा नं. १० का ५८ वर्षीय भवनाथ भट्टराईको हो ।
त्यसैगरी बा.प्र. ०३–००५ प ३११७ नम्बरको मोटरसाइकल हेटौंडा वडा नं. २ मा फेला पारी सम्बन्धित धनीलाई बुझाइएको प्रहरीले जनाएको छ । प्रहरीका अनुसार हेटौंडा–१० का ४५ वर्षीय खड्क सिं वाईवाको हो ।
सो मोटरसाइकल बैशाख १३ गते हेटौंडा वडा नं. ४ बाट हराएको प्रहरीले बताए ।