१६ लाख नगदसहित दुई जना पक्राउ

काठमाडौं / काठमाडौंको बालाजुबाट स्रोत नखुलेको नगद १६ लाख रुपैयाँसहित प्रहरीले दुई जनालाई पक्राउ गरेको छ । शनिबार बिहान पौने ३ बजे काठमाडौं महानगरपालिका–१६ माछापोखरी कुमारीस्थानस्थित सडकबाट दुई जनालाई पक्राउ गरेको जिल्ला प्रहरी परिसर काठमाडौंले जनाएको छ ।
प्रहरीका अनुसार, पक्राउ पर्नेमा चितवनको भरतपुर महानगरपालिका वडा नम्वर ११ घर भई तनहुँ बन्दिपुर बस्ने ३१ वर्षीय दिपेन्द्र सुनार र भारत महाराष्ट्र घर बताउने २३ वर्षीय सागर जादव रहेका छन् । शंकास्पद अवस्थामा हिँडिरहेका उनीहरुलाई फेला पारी चेकजाँच गर्दा सो परिमाणको नगद रकम बरामद भएपनि निजहरुलाई पक्राउ गरेको हो । पक्राउ परेका यनीहरुमाथि प्रहरी बृत्त बालाजुले थप अनुसन्धान अगाडि बढाइएको जनाएको छ ।