भारी वर्षाले जलमग्न चुनावी सभा स्थलको पानी हटाइयो

चितवन / भारी वर्षाका कारण जलमग्न भरतपुरस्थित केन्द्रीय बस टर्मिनलको पानी हटाउने काम सकिएको छ । सत्ता गठबन्धन दलले गर्ने भनिएको चुनावी सभा स्थलको केन्द्रिय बस टर्मिनलमा जमेको पानि हटाउने काम सकिएको हो ।
बिहीबार रातभरको भीषण वर्षाले कार्यक्रमस्थल भरतपुरको केन्द्रीय बस टर्मिनल कार्यक्रमका लागि तयार पारेको मञ्च पनि डुबानमा परेको थियो ।
पानी फाल्नका लागि पाँचवटा जेनेरेटेरको प्रयोग गरी भ्याकुमबाट पानि हटाउन काम गरिएको थियो । कार्यक्रम स्थलको पानी हटाउने काम सकिएको हँुदा चुनावी सभा भनिएको समयमा नै सुरु हुने नेकपा माओवादी केन्द्र चितवनका संयोजक रामचन्द्र अधिकारीले जानकारी दिए ।
सभालाई सम्बोधन गर्न प्रधानमन्त्री एवं कांग्रेस सभापति शेरबहादुर देउवा र वरिष्ठ नेता बुधबार साँझ नै भरतपुर आइसकेका छन् । सभालाई सम्बोधन गर्न नेकपा माओवादी केन्द्रका अध्यक्ष पुष्पकमल दाहाल (प्रचण्ड) नेकपा एकीकृत समाजवादीका अध्यक्ष माधवकुमार नेपाल, कांग्रेसका महामन्त्री गगनकुमार थापालगायतले सम्बोधन गर्ने कार्यक्रम छ । सत्ता गठबन्धनले भरतपुरको मेयरमा माओवादी केन्द्रकी रेनु दाहाल र उपमेयरमा कांग्रेसबाट चित्रसेन अधिकारीलाई उठाएको छ ।