राप्तीको प्रारम्भिक मत परिणाम : एमालेका मेयर र उपमेयरको अग्रता

चितवन / राप्ती वडा नं. ६ को ३ सय मत गणना हुँदा एमालेले अग्रता लिएको छ । राप्तीको भण्डारा माविमा राति १ बजेबाट मत गणना सुरु भएको हो भने राप्ती वडा नं. ६ बाट मत गणना सुरु भएको हो ।
मतगणनाको प्रारम्भिक नतिजामा एमालेका मेयर र उपमेयरको अग्रता रहेको छ । हालसम्म मेयरमा एमालेका गोविन्दप्रसाद कंडेलले १ सय ५२ मत प्राप्त गरेका छन् भने गठबन्धनको तर्फबाट नेकपा एकिकृत समाजवादीका शमसेर लामाले १ सय ३ मत प्राप्त गरेका छन् । यस्तैगरी राप्रपाका मनोज अधिकारीले १, राष्ट्रिय नागरिक पार्टिका बिक्रमी महतोले ५, मौलिक जरोकिलो पार्टिका कुशल पाठकले १ मत प्राप्त गरेका छन् ।
त्यस्तै उपमेयरमा एमालेकी मेनुका पाठकले १ सय ७० र गठबन्धनका तर्फबाट नेपाली कांग्रेसका देवेन्द्र लामाले ९७ मत प्राप्त गरेका छन् । राष्ट्रिय नागरिक पार्टिका जितबहादुर बिकले २ मत प्राप्त गरेका छन् ।
त्यसैगरी राप्ती ६ को वडा अध्यक्षमा एमालेबाट जलु चौधरी थारुले १ सय ८३, नेपाली कांग्रेसबाट बिक्रम चौधरीले ८७ र नेकपा एकिकृत समाजबादीबाट शुक्रराज चौधरीले ८ मत प्राप्त गरेका छन् । राप्ती वडा नम्बर ६ मा ३ हजार ४ सय ८२ मत खसेको थियो ।