माडी–९ को वडाध्यक्षमा घनश्याम दवाडी विजयी

चितवन / माडी नगरपालिका वडा नं. ९ को वडाध्यक्षमा नेकपा (माओवादी केन्द्र)का घनश्याम दवाडी निर्वाचित हुनुभएको छ । १०१८ मतका साथ दवाडी वडाध्यक्षमा निर्वाचित हुनुभएको हो ।
यसअघि दवाडी सोही वडाको निर्वाचित वडा सदस्य हुनुहुन्थ्यो । उनको निकटतम् प्रतिद्वन्दी नेकपा एमाले नेता एवं पूर्व वडाध्यक्ष शिवहरि सुवेदीले ५०८ मत पाएका हुन् भने राप्रपाका उम्मेदवार कुलबहादुर दुराले ४६९ मत ल्याएका हुन् ।
सो वडामा पाँच दलीय गठबन्धनबाटै महिला सदस्यमा काँग्रेसकी बिना थापा, दलित सदस्यमा माओवादी केन्द्रका हरिमाया बि.क. र खुल्ला सदस्यमा नेपाली काँग्रेसका नारायणदत्त अधिकारी र मोहन सिंह स्याङतान निर्वाचित हुनुभएको छ ।