भरतपुर महानगरपालिकामा १५ मिनेट मतगणना स्थगितपछि पुनः सुचारु

चितवन / भरतपुर महानगरपालिका मत बदरको विषयलाई लिएर १५ मिनेट करिब मत गणना स्थगित भएको थियो । उम्मेदवारका प्रतिनिधिबीचको छलफलपछि पुनः मतगणना कार्य सुरु भएको हो ।
स्वस्तिक छापको संकेत देखिए ती मतपत्रलाई सदर गर्ने समझदारी भएको भन्दै एमालेले विरोध जनाएपछि करिब १५ मिनेट मतगणना कार्य रोकिएको थियो ।
मुख्य निर्वाचन अधिकृतले स्वस्तिक छाप स्पष्ट नदेखिएका मतपत्र सदर नहुने भन्दै अडान राख्नुभएको थियो ।
स्वस्तिक छाप स्पष्ट नदेखिएका मतपत्रहरुलाई बदर नै मान्ने दलहरुको समर्थन पछि फेरी मतगणना कार्य सुचारु भएको छ । दिउँसो साढे ३ बजेतिर मतगणना कार्य रोकिन पुगेको थियो ।
भरतपुर–१ को मतगणना कार्य सकिएपछि यतिबेला २ नम्बर वडाको मतगणना भैरहेको छ । मतगणनास्थलको सुरक्षा व्ययवस्था कडा बनाइएको छ ।