भरतपुरमा समाजवादीले खोल्यो खाता, ७ को वडाध्यक्षमा काफ्ले

चितवन / भरतपुर महानगरपालिका ७ को वडाध्यक्षमा नेकपा एकीकृत समाजवादीका राजेन्द्रमणि काफ्ले विजयी भएका छन् । काफ्ले गठबन्धनबाट वडाध्यक्षमा उमेदवारी दिएका हुन् ।
समाजवादीका काफ्लेले १ हजार ८९४ प्राप्त गरेका हुन् भने उनका प्रतिद्वन्द्वी एमालेका सनतकुमार लामिछानेले १ हजार ७२२ मत ल्याएका हुन् । काफ्लेले लामिछानेलाई १७२ मतान्तरले पराजित गरेको हो ।
यस्तै वडाको दलित महिला सदस्यमा काङ्ग्रेसबाट रिता दर्जी २ हजार १५२ मत ल्याएर विजयी भइन् । उनले एमालेकी शान्ति नेपालीलाई १ हजार ४९५ मतमा नै पाखा लगाइन् ।
महिला सदस्यमा २ हजार ५२ मत ल्याएर काङ्ग्रेसकी अमृता गौतम विजयी बन्दा खुल्ला सदस्यमा भने २ हजार ४० मतले काङ्ग्रेसबाट नै किरन अधिकारी र एमालेबाट मिनबहादुर गुरुङ १ हजार ५६१ मत ल्याएर विजयी भए
काफ्ले यसअघि २०७४ को स्थानीय निर्वाचनमा एमालेबाट वडाध्यक्ष बनेका थिए ।