भरतपुर ९ कक्षा एकमा निःशुल्क शिक्षा दिने वडाध्यक्ष कंडेलको निर्णय

चितवन / भरतपुर महानगरपालिका वडा नं. ९ का नवनिर्वाचित वडाध्यक्ष यमलाल कंडेलले पदभार ग्रहण गरेका छन् ।
वडाध्यक्ष कंडेलले पदभार गरेपछि उक्त वडामा स्थायी रुपमा बसोबास गरी सामुदायिक विद्यालयमा अध्ययन गर्ने विद्यार्थीलाई कक्षा एकमा पहिलो वर्ष भर्ना निःशुल्क गर्ने निर्णय गरेको छ । स्टेशनरी र पोशाक निःशुल्क रुपमा उपलब्ध निर्णय पनि उनले गरेका छन् ।
कक्षा १ का छात्र–छात्रा दुबैलाई पहिलो वर्ष निःशुल्क पढ्ने र स्टेशनरी र पोशाक दिने व्यवस्था गर्ने निर्णय गरिएको उनले बताए । पाँच दलिय गठबन्धनबाट वडा अध्यक्षमा निर्वाचित भएका कंडेल नेकपा एकीकृत समाजबादीसँग आबद्ध छन् ।
वडा अध्यक्षमा दोश्रो पटक निर्वाचित भएका कंडेल जनताका माझमा लोकप्रिय जनप्रतिनिधि हुन् । उनको अघिल्लो कार्यकाल प्रशंसनीय भएका कारण उनी पुनः निर्वाचित हुन सफल भएको स्थानीय वडावासीहरुको भनाइ छ ।