खैरहनीमा भारतीय कारले ठक्करबाट दिँदा एकको मृत्यु

चितवन / पुर्बी चितवनको खैरहनीमा भारतीय कारको ठक्करबाट एक जनाको मृत्यु भएको छ । बुधबार बेलुका अन्दाजी ८:१५ बजे तिर पुर्वपश्चिम् राजमार्गको सिमलटांडी चोक नजिक पुर्वबाट पश्चिम तर्फ आउदै गरेको JH01DX77 39नं. को भारतीय कारले विपरित दिशाबाट जाँदै गरेको बागमती प्रदेश ०३-००५ प २६६९ नम्बरको मोटरसाइकललाई ठक्कर दिएको थियो ।
कारको ठक्करबाट कालिका नगरपालिका वडा नम्बर ४ घरभई हाल खैरहनी ८ वस्ने अन्दाजी २१ बर्षका विश्वास गुरुङको मृत्यु भएको हो । ठक्करबाट गंभिर घाइते भएका गुरुङको उपचारका क्रममा पुरानो मेडिकल कलेज भरतपुरमा मृत्यु भएको प्रहरीले जनाएको छ ।
कार चालक भारत विहार प्रदेश पश्चिमचम्पारण जगदीशपुर ४ वस्ने वर्ष ३५ को आलोक कुमार ईलाका प्रहरी कार्यालय खैरहनीको नियन्त्रणमा रहेका छन् ।