अमेरिकामा अर्ध स्वचालित राइफल किन्न पाइने उमेर बढाउने विधेयक पारित

अमेरिका / अमेरिकी संसदको तल्लो सदन (हाउस अफ रेप्रिजेन्टेटिभ) ले अर्ध स्वचालित राइफल किन्न पाइने उमेर १८ वर्षबाट बढाएर २१ वर्ष बनाउने विधेयक पारित गरेको छ । हाउस अफ रेप्रिजेन्टेटिभमा सो विधेयक १९९ का विरुद्ध २२८ ले पारित भएको हो ।
गत महिना न्युयोर्कको बफेलो र टेक्ससको युभाल्डेस्थित इलिमेण्ट्री स्कुलमा भएको नरसंहारको घटनामा संलग्न दुबै बन्दुकधारी १८ वर्षीय भएको पाइएपछि अमेरिकी सरकार र संसदलाई बन्दुक किन्न पाउने उमेर बढाउन र किन्नु पूर्व गरिने ‘व्याकग्राउण्ड चेक’मा कडाई गर्न दबाव परिरहेको थियो ।
डमोक्रेट बाहुल्य तल्लो सदनबाट बन्दुक किन्ने उमेर १८ बाट बढाएर २१ बनाउने प्रस्ताव पारित भएपनि सिनेटमा त्यो विधेयक जस्ताको त्यस्तै पारित हुनेमा अझै दुविधा रहेको छ ।