जिसस चितवनको प्रमुखमा नारायण अधिकारी विजयी

चितवन / जिल्ला समन्वय समिति चितवनको प्रमुखमा नारायणप्रसाद अधिकारी विजयी हुनु भएको छ ।
चितवनमा पालिका प्रमुृख र उपप्रमुख गरी १४ जना सदस्यले मताधिकार प्रयोग गर्दा एमालेका अधिकारी र पाँच दलीय गठबन्धनको तर्फबाट नेपाली काँगे्रसका पूर्णबहादुर रानाभाटले बराबर मत ल्याएका हुन् । दुबै उमेदवारले बराबर मत ल्याएपछि गोलाप्रथाद्वारा छनोट गर्दा अधिकारीले विजय प्राप्त गरेका हुन् ।
अधिकारी इच्छाकामना गाउँपालिकाका स्थायी वासिन्दा हुन् भने उनी एमालेका शालिन र भद्र नेताका रुपमा चिनिन्छन् ।
उपसभापति पदमा भने गठबन्धनको तर्फबाट नेकपा एकीकृत समाजवादीकी कल्पना काफ्ले सापकोटा यसअघि नै निर्विरोध निर्वाचित भइसकेकी छन् ।