मोटरसाइकल र स्कुटर एकआपसमा ठोक्किदा एकको मृत्यु

चितवन / मोटरसाइकल र स्कुटर एक आपसमा ठक्कर खाँदा एक जनाको मृत्यु भएको छ भने दुई जना घाइते भएका छन् । कालिका नगरपालिका वडा नं. ५ सिमाचोकस्थित भित्री सडकखण्डमा दुर्घटना भएको इलाका प्रहरी कार्यालय चितवनले जनाएको छ ।
ना३९प २९७१ नम्बरको मोटरसाइकल गढुवाचोकबाट पदमपुर सामुदायिक वनतर्फ आउँदै गरेको प्रदेश २–०३–००७प ५६७५ नम्बरको स्कुटर एक आपसमा ठोक्किएको प्रहरीले बताए । ।
प्रहरीका अनुसार मृत्यु हुनेमा मोटरसाइकलको पछाडि सवार कालिका वडा नं. ९ का ५० वर्षीय बलबहादुर तामाङको मृत्यु भएको हो । दुर्घटनामा गम्भीर घाइते भएका तामाङको भरतपुरस्थित कलेज अफ मेडिकल साइन्सेस (पुरानो मेडिकल कलेज) मा उपचारको क्रममा १ः४० बजे मृत्यु भएको प्रहरीले जनाएको छ ।
यस्तै दुर्घटनामा अन्य दुई जना घाइते भएका छन् । घाइते हुनेहरुमा मोटरसाइकल चालक सोही स्थानमा प्रदिप कुमार श्रेष्ठ र स्कुटरको पछाडि सवार कालिका ३ का ६९ वर्षीय सुकबहादुर तामाङ रहेका छन् ।
उनीहरुको पुरानो मेडिकल कलेजमा उपचार भइरहेको छ । घाइते दुबैको अवस्था मध्यम रहेको छ । स्कुटर चालक कालिका ९ का ३६ वर्षीय राजु भन्ने बिजमान तामाङ सम्पर्कमा नरहेको र उनीहरुको प्रहरीले खोजी कार्य जारी राखेको छ ।