नारायणी नदीबाट उद्धार दुई महिलाको अवस्था गम्भीर

चितवन / नारायणी नदीमा डुबिरहेको अवस्थामा प्रहरीले दुई महिलाको उद्धार गरेको छ । आज (बिहीबार) दिउँसो ३ बजे भरतपुर महानगरपालिका ३ स्थित सामुदायिक भवन नजिक नारायणी नदीको झोलुङ्गे पुल मुनी जमेको पानीमा डुबिरहेका दुई महिलाको उद्धार गरिएको जिल्ला प्रहरी कार्यालय चितवनले जानकारी दिएको छ ।
स्थानीयले देखेर प्रहरीलाई खबर गरेलगत्तै ३०÷३२ र ३५÷४० वर्षका दुबै महिलाको उद्धार गरिएको प्रहरीले जनाएको छ । दुबै जनाको पहिचान भने खुल्न सकेको छैन । उद्धार गरिएका दुबैलाई उपचारको लागी भरतपुर अस्पतालमा पठाईएको प्रहरीले जनाएको छ । उनीहरु दुबैको अवस्था गम्भीर रहेको छ ।