भरतपुरका केही ठाउँमा दुई दिन १२ घण्टा विद्युत अवरुद्ध

चितवन / भरतपुर महानगरपालिका विभिन्न स्थानमा दुई दिन विद्युत् अवरुद्ध हुने भएको छ । विद्युत् प्राधिकरण भरतपुरले आज (बुधबार) जारी गरेको सूचनामा असार १० र ११ गते दिनभर विद्युत् अवरुद्ध हुने भएको हो ।,
भरतपुर वितरण केन्द्रका प्रमुख राजिबकुमार सिंहका अनुसार बिहान ७ बजेदेखि बेलुका ७ बजेसम्म विभिन्न फिडरहरुमा लाइन अवरुद्ध हुनेछ ।
नेपाल विद्युत् प्राधिकरण प्रणाली सञ्चालन विभाग प्रसारण निर्देशनालयको पत्रअनुसार निम्न फिडरहरु जीर्ण अवस्थामा रहेकोले उक्त फिडरहरुको स्तरोन्नतिको लागि बसेनीस्थित १३२.११ केभी सबस्टेशनबाट वितरण हुने स्थानहरुमा विद्युत् अवरुद्ध हुनेछ ।
प्राधिकरणले भरतपुर १ फिडर ः भरतपुर ७, १० र भरतपुर २ फिडर ः भरतपुर १२, ९ भरतपुर ८ गौरीगञ्जसम्म स्थानहरुमा अवरुद्ध हुनेछ । त्यस्तैगरी औद्योगिक १ फिडर ः भरतपुर ५,८,९ मा रहेका उद्योगहरु र गणेशथान फिडर भरतपुर २, ११ केही भाग पोखरा बसपार्कका स्थानहरुमा विद्युत अवरुद्ध हुने भएको हो ।